النهاية كانت فى مكالمة.!!!

كان ياما كان فى سالف العصر والاوان بنوته صغيرة عايشه فى مجتمع محافظ واسرة محافظه

لكن فى مجال للمناقشه مابين كل افراد الاسرة والاجمل ان الحزم موجود بس فى مساحه للحريه بينهم

المهم ,,,,,

البنت الصغيرة دى عاشت عمرها كلو تحاول وتتعلم كل ثانيه وكل لحظه ازاى تعرف تحافظ على نفسها

وازاى تكون جديرة بثقه بابا وماما واخواتها فيها

البنوته الصغيرة دى كانت اد ايه حساسه جدا واد ايه عاقله اوى وبتحسب كل حاجة بالعقل فى حياتها

لانها اتعلمت تخاف من قلبها ولو استخدمت قلبها فى يوم من الايام فا دة بيبقى باذن من عقلها وتصريح منو

وصلت لمرحله الجامعه وهى مستخدمه عقلها وشايله قلبها للمواضيع اللى مينفعش فيها غير القلب

لكن لما يتحط اودام العقل بتيجى على نفسها وقلبها وتمشى بالعقل

عاشت سنه واتنين وهى بتحب وكاتمه وهى بتشوف حبيبها اودامها ومش عارفه تعمل اى حاجة وهو

بيقرب منها وبتخاف تصرح او تلمح كل ما قلبها يحاول ينطق عقلها يقولو لاْ مش من حقك

لاْ مش قيمتك انت قيمتك اكبر من كدة,,, انت على اد الى جواك المفروض يتحس بيك,,,, المفروض

تتقدر لان جواك كتير واللى جواك اكبر بكتير واد ماهو كبير اد ما قيمتو تبقى اكبر وتسكت وتتحمل

لحد ماهو قرب وقرب اوىىى منها وحيرها ومكنتش عارفه ايه اللى بيحصل ؟

ليه الحيرة ؟؟ انا تعبانه ونفسى ارتاح انا كنت مرتاحه وانا حاسه انو لاْ

ليه بقيت اتعب وكل دة بسبب قربو ؟؟؟ اتعب لما قرب منى؟؟؟؟

قلبى مبيستاهلش كدة ,,,,, نفسى انام ,,,, تعبت بجد

هــــــــو : اّلــــــو

هــــــى : اّلـــــــــو

هـــــــو :ازيـــــــــك

هـــــــى: ازيـــــــــك

هــــــــو: انا حاسس ان فى حاجز نفسى ما بينا وانك بتبعدى

هــــــــى: لاْ مفيش بيتهياْلك انت ليه بتقول كدة ؟

هـــــــو :حاسس انك بتكرهينى

هــــــــى : انـــــا؟؟؟؟ لاْ والله بالعكس

هـــــــــــو: فى لهفه كدة بالعكس؟؟؟؟؟

هــــــــــى : بحترمك وبعزك مش احنا اخوات؟؟؟ والقلب يقولها لاْ متقوليش كدة والعقل يقولها لاْ اجمدى

لانك كبيرة وقيمتك كبيرة وفى الوقت دة البنوته دى كان بيحبها حد تانى والحد التانى دة يعرفو الاولانى

والاتنين قريبين منها بس اللى بتحبو قربلها فى الاّخر والحد اللى بيحبها كان خايف تكون بتحب او مشدودة

للحد الاولانى دة وساْلها ولما ساْلها قالتلو بعزكوا كلكو وبتمنالكو الخير كلكو وقلبها يقولها انطقى

وعقلها يقولها لاْ ,,,,,,, وتانى مكالمه

هــــــــو: الـــــــــو

هــــــــى: الـــــــــو

هـــــــــو: ايوة يا عصفورة

هـــــــى: ههههههههههه انا عصفورة ؟ من العصافير اللى انت بتحبها انت بتحب العصافير اوى

هـــــــو: بس انتى اجمل عصفورة

هـــــى : مال صوتك؟؟؟ قلقتنى

هـــــــــو: مش عارف بس مخنوق انتى ايه اللى مسهرك لدلوقتى انتى بتحبى ولا ايه ؟؟

هـــــــى: نعم ؟؟؟ حب ايه ؟؟ انت تعرف عنى كدة بردو؟؟ سيبك بس منى انا انت مالك فيك ايه ؟؟

هــــــو: تنهـــــــيدة هـــــــــى : مالك بس قولى القلب يقولها حرام عليكى والعقل يقولها برافو اجمدى

هـــــــو:انا عاوزك تقوليلى دعاء اقراه علشان ارتاح وانام بس ميكونش طويل علشان اعرف احفظو

ايه دة كلو طويل قوليلى واحد صغير

هـــــــــــى: قول ورايا اللهم يا مدبر الامر دبر لى امرى فانى لا احسن التدبير

هــــــــــو: اللهم يا مدبر الامر دبر لى امرى فانى لا احسن التدبير

هـــــــــو : انتـــــــى جـــــــــميله اوى يا ,,,,,,,

هــــــى :ههههههههه ربنا يخليك يارب ويفرج عنك كل همومك يا ,,,,,,,,,,

يعنى لو تلاحظو انها كانت بتقرب ليه فى كل خير واساس الكلام مبنى على انها بتحط ربنا فى اعتبارها

وعامله حسابها لا القدر ميكتبهوش ليها فا تبقى قدرت الانسان اللى هيكون من حقها ومشاعرها دى

حقو هو وبس مش حق حد هى متعرفش جواه ايه ولا مصيرها معاه شكلو ازاى ؟؟؟

هـــــــو: عاوز اتكلم معاكى فى موضوع بس سر

هــــــــــى : من عنيا اتفضل سمعاك كلى اّذان صاغيه هههههههه

هـــــــــو : اخ مانا هتكلم وعارف انك هتسمعينى بس انا مش عارف اقولو ازاى لانو كبير

هــــــى :بس كدة؟ دى المشكله ؟ قولو كدة على طول ههههههههههه

هـــــــــو:بس عاوز منك حاجة

هــــــــى : تعـــــم اتفضل سمعاك

هــــــــــو: تقوليلى اكبر سر فى حياتك علشان احس ان الثقه متبادله بينا علشان انا سرى كبير

هـــــــــى : يعنى ايه سرك كبير ابل اى حاجة انا حد مفيش فى حياتو اى اسرار لان حياتى كتاب ابيض

وبعدين مش دة اللى يديلك الثقه فيا لاْ الثقه مش انا اللى اديهالك لانى مش انا اللى اشكرلك فى نفسى

انتا لو حاسس بارتياح وحاسس انى جديرة بانى اعرف سرك انا تحت امرك وسمعاك لكن متبقاش حاسس

بغير كدة وعاوزنى او طالب منى انى احسسك بدة لا دة مش انا اللى احسسك بيه انا اللى عليا انى اقولك

لو مرتحلى وحابب تفضفض انا سمعاك لو شايف غير كدة منصحكش تتكلم اما انا حياتى مفيهاش اسرار

علشان احكيهالك

هـــــــــو: امممممم انتى متاْكدة يعنى هــــــــــى : طبعــــــــا متاْكدة

هــــــــــو : اوك بس مش هيحصل انى اتكام ولا اقول لانى مش مسدق ان مفيش عندك اسرار فى حياتك

بس اللى عارفو انك مش واثقه فيا ولا عاوزة تحكيلى وانا مقدرش اديلك ثقه انتى مش مديهانى

هــــــى: يعنى مش هتتكلم ؟؟؟؟ هـــــــــو: لاْ يا ,,,,,,,,,,

هــــــــى : نو كومينت براحتك

خـــــــــــبر عاجـــــــل : مبروووووووووووووووووووووووووك هو خطب وهيتجوز

وهى كلمتو وباركتلو وهنتو واطمنت عليه انو مرتاح ولا لا

ودىكانت النهايه ودى النتيجه ودة النصيب ودة قدرها ربنا يقدرها على النسيان ادعولها وادعولو ربنا

يسعدو فى حياتو وهى بتدعيلو ربنا ياخد من سعادتها فى دنيتها ويسعدو هو فى حياتو لان اللى بيحب بجد

ميعرفش يعنى ايه كره لاى مخلوق علشان تقدر تكره اغلى مخلوق

عرفتو بقيمه العقل يا شباب ويا بنات ؟؟؟

هى مرتاحه على الاقل انها ما مشيتش ورا قلبها وصرحت ليه لان القدر لا بيتبدل ولا بيتغير لان النصيب

انو مش ليها ومشاعرها غاليه عليها وعاشت عمرها كلو تحافظ عليها لحقها للى هيكون نصيبها

رفضت تديها لاى حد فى الاول علشان كانت عاملة ليه حساب فى حياتها

ودلوقتى بقا مالوش وجود لانو مش نصيبها فا مشاعرها تفضل غاليه عليها لحد لما ييجى اللى يقدرها

علشان لما تنطقلو كلمه (بحـــــــــبك) يحسها اوى وخاصه انو الانسان اللى هى حست معاه بدة

واللى عوضها عذاب هى عاشت فيه الاحساس اللى انتو حسيتو لما قريتو القصه هيخرج لحقها دة

فى الكلمه دى وهيحس اوى بيها فا تخيلو هيحبها ادد ايه ويصونها ازاى

وباقيلى اساْلكو

تفتكرو يكون حبها اصلا ؟؟

تفتكروا كان كل دة ليه ؟؟

تفتكروا الغلط ولا العيب كان من مين ولا ليه؟

طيب ولو مكنش حبها طيب ليه مبيقدرش يخلى عنيه تقابل عنيها ؟؟؟