كلنا عارفين موضوع غرق العبارة السلام 98 واللى غرقت فى فبراير 2006 وراح ضحيتها 1033 شخص من أطفال ونساء وشباب وشيوخ
نبذة عن القضية للى ممكن يكونوا نسيوها:::
في القضية المهندس ممدوح إسماعيل رئيس مجلس إدارة شركة " السلام للنقل البحري " التي كانت تشغل العبارة، ونجله عمرو نائب رئيس مجلس إدارة الشركة، الهاربين في لندن
والمهندس ممدوح عبدالقادر عرابي مدير الأسطول البحري للشركة، والقبطان صلاح جمعة، ربان العبارة " سانت كاترين " الذي تقاعس عن إنقاذ ركاب العبارة الغارقة،
ونبيل السيد شلبي مدير فرع الشركة في سفاجا، وعماد الدين أبوطالب مهندس ثالث الشركة، فيما انقضت الدعوي ضد 4 متهمين بوفاتهم.
والمفروض إن هيئة الدفاع المحترمين طالبوا بعدم إختصاص القضاء المصري بالنظر فى الدعوى علشان الحادث ما كان فى الأراضي المصريه بل كان فى المياه الدولية وطالبوا بتدخل القضاء البنمى(اللى بيتبع له تأمين العبارة)
وطالب الدفاع كمان بسقوط أمر الحبس عن المهندس محمود ونجله بسبب مرور 16 شهر على إصدار الحكم وكمان تعديل الدعوى من جنحة قتل بالخطأ إلى جناية قتل بالإمنتاع.
إمبارح يوم الأحد كان إستئناف الحكم::
وفيه (( برئ القضاء المصري المتهمين صاحب الشكرة ممدوح إسماعيل ونجله وأربعة آخرين من التهم المنسوبة إليهم ..
وأصدر القضاء المصري العادل حكمه بحبس قبطان العبارة <سانت كاترين> صلاح جمعة سته أشهر وكفالة 10 ألا ف جنيه تهمة التقاعس عن التوجه لإنقاذ ضحايا العبارة، والتي غرقت خلال رحلة من ميناء ضبا السعودي إلى السواحل المصرية.
ولكن بحركة جريئة من النائب العام طعن فى الحكم وطالب بالإستئناف فى حكم براءة المتهمين خاصة ممدوح إسماعيل ونجله اللى مازالوا هاربين فى لندن.
بالليل بأى ظهر محامى السفاحين دول على أحد القنوات الفضائية فى أبهى حلة لإنه كسب قضية خسرانة وعمال يضحك ومبسوط أوى
والمذيع بيسأله (هو حضرتك بتضحك ليه )يرد بكل برود أعصاب (أنا واحد كسبت قضية ليه ما أفرح!!!! وبعدين الناس دى فوق القانون الناس دى ما تتحاكم كدا !! ماينفعش ياأستاذ )
قانون عادل
وبيكلموا القاضي يسألوه إنت إتعرض عليك رشوة يرد هو الآخر :: دى حاجة ما تخص حد وما أسمح لحد يدخل فى خصوصياتى وبعتذر مع هقدر أكمل رد عليكم
وبعد ذلك قاموا بالإتصال بالبشمهندس ممدوح إسماعيل يرد الخادم معلش أصله نايم ( قال جايله نوم)
_ - _ -_ -_ -_ -_
بالله عليكم ده قضاء يرضى ربنا.....!!!!
ده العدل ....؟؟؟
دى المساواة...؟؟؟
فين ضمير الناس...؟؟
بأى لو القاضي ده مات له واحد فى العبارة دى كان حكم عليهم بالبراءة ولا الشنق فى ميدان عام......؟
ياجماعة قولولى يرضي مين ده.........!!!!!!!!!
فين الناس الكبار اللى فى البلد اللى المفروض يقفوا مع الغلابة........!!؟؟؟
فين الناس اللى بتحافظ على حقوق الشعب علشان الحيتان أمثال ممدوح ده ما يهضموا حقوقنا ........!!!؟؟؟؟
؟؟؟؟؟؟؟؟؟؟؟؟يرضي مين؟؟؟؟؟؟؟؟؟؟؟؟؟؟
الخميس أغسطس 14, 2008 8:37 am